Motori përplas kalimtaren, 75-vjeçarja përfundon në spital

Motori përplas kalimtaren, 75-vjeçarja përfundon në spital.

Një aksident është regjistruar sot në kryeqytetin shqiptar, ku një motor ka përplasur një 75-vjeçare, shkruajnë mediat shqiptare. Ngjarja ndodhi rreth orës 17:40, në rrugën “Tre Dëshmorët”, në Tiranë.

Burime zyrtare nga policia bënë me dije se motori me drejtues shtetasin me inicialet K.N., ka aksidentuar këmbësoren shtetasen me inicialet V.Z., e cila u dërgua në spital, dhe ndodhet nën kujdesin e mjekëve. Drejtuesi i mjetit u shoqërua në Komisariatin e Policisë Nr.6, për veprime të mëtejshme.

Grupi hetimor ndodhen në vendngjarje dhe vijojnë punën për zbardhjen e rrethanave të ngjarjes.