Ambasada e Kosovës në Paris me njoftim të rëndësishëm për qytetarët

Ambasada e Kosovës në Paris ka publikuar një njoftim të rëndësishëm për qytetarët, lidhur me mbylljen e kufijve dhe ndalimit të hyrje-daljeve në Francë, nga vendet që gjenden jashtë Bashkimit Evropian (BE).

Ambasada ka njoftuar se sipas vendimit të Qeverisë franceze do të ketë kontrolle të rrepta gjatë orës policore.

Njoftimi nga ambasada:

Të nderuar qytetarë,

Ju njoftojmë se me datë 29 janar 2021 Qeveria Franceze ka marrë vendim për mbylljen e kufijve dhe ndalimit të hyrje-daljeve në Francë nga vendet jashtë BE-së, përveç rasteve të domosdoshme.
Përveç kësaj, qeveria ka urdhëruar mbylljen e qendrave tregtare më të mëdha se 20,000 m2, si dhe ka paralajmëruar kontrolle shumë më të rrepta gjatë orës policore.

Me respekt!