Edhe dy viktima tjera nga Covid 19, njëri 71, tjetri 83-vjeçar

Edhe dy persona tjerë, të infektuar me COVID-19, kanë vdekur në Klinikën Infektive të Qendrës Klinike dhe Universitare të Kosovës. Njëri nga viktimat është një 71-vjeçar nga Prishtina, kurse tjetri një 83-vjeçar nga Mitrovica.

Lajmin e ka konfirmuar Klinika Infektive përmes raportit 24 orësh, ku ka njoftuar se që të dy viktimat kishin edhe sëmundje të tjera shoqëruese.

“Dje me datë 01.07.2020 në Klinikën Infektive ka ndërruar jetë pacienti F.G. moshës 71 vjeq nga Prishtina me diagnozën Covid 19 dhe sëmundje tjera shoqëruese, si dhe sot me datën 02.07.2020 në orët e hershme të mëngjesit ka ndërruar jetë pacienti F.M. moshës 83 vjeq nga Mitrovica, I cili përpos infeksionit me Covid 19 kishte edhe sëmundje shoqëruese”, thuhet në raport./mediafokus.info