Në Gjilan ndalohen dy persona për dhunim

Prokuroria Themelore në Gjilan ka ndaluar dy persona, të pandehurit S.H. dhe V.L., për shkak të dyshimit se kanë kryer veprën penale ‘’Dhunimi’’, të Kodit Penal të Republikës së Kosovës.

Dyshohet se të pandehurit, gjatë muajve shkurt dhe mars 2021, në komunën e Gjilanit, kanë keqpërdorur seksualisht të dëmtuarën e mitur, nën moshën 16 vjet.

Të pandehurit me vendim të prokurorit gjenden në ndalim 48 orësh dhe ndaj tyre brenda afatit ligjor do të kërkohet masa e sigurisë nga Gjykata kompetente në Gjilan, thuhet në njoftimin e Prokurorisë.