Rikujtim: Rexhep Elmazi ishte dhe mbetet njëri ndër poetët më emblematikë të Gjilanit

Rexhep Elmazi ishte poet i mendimit të thellë. Si disidenti më i madh i kohës për regjimin, ai u vra para 42 vjetësh (25.05.1978), në rrethana enigmatike, ndërsa vrasja e dytë iu bë me djegien e dorëshkrimeve.

Megjithatë, për aq pak kohë sa jetoi, Rexhep Elmazi u bë model për poetët.

Liria ishte dashuria më e madhe e Rexhep Elmazit, poetin tragjik, krijuesin e ngritur mbi kohën kur jetoi e krijoi.

Rexhep Elmazi vlerësohet nga kritika si një ndër poetët më emblematik të Gjilanit.

Poezia e Elmazit të jep mundësi të krijosh një ide të plotë e të qartë për individualitetin e tij krijues e njerëzor.

Elmazi ishte njëri nga poetët më të talentuar të gjeneratës së vet.

Rexha ishte i tëri poet, i tëri njeri, por nuk u lejua që atë talent të rrallë ta zhvillonte më thellë e ta shfaqte më gjatë.

Poezia e tij është një artikulim i veçantë dhe me shumë dimensione. Në kohën kur është shkruar, ajo ka qenë një zë i fuqishëm dhe shumë domethënës.

Ky refleksion i shkurtër, është një dedikim i redaksisë së portalit mediafokus për poetin Rexhep Elmazi. /mediafokus.info