3 vjet pa Rinorin, dedikimi prekës i babait: Nuk do të mësohem kurrë me mungesën e tij

Sot bëhen tri vjet nga ndarja tragjike nga jeta e Rinor Bunjakut, në Zvicër, transmeton Mediafokus.info.

Babai i tij, Fatmiri, ka bërë një dedikim prekës, duke thënë se nuk po mësohet assesi me mungesën e djalit.

Postimi i plotë:

Një fëmijë që humb prindin, thirret jetim; një grua që humb të shoqin, thirret e ve; një burrë që humb partneren, thirret vejan.

Por a ka një emër për prindin që humb fëmijën?

Si mund ta quaj bota prindin që mbetet jetim i fëmijës së vet?

Sod 3 vite pas lamtumirës me të birin, i pashëruar prej dhimbjes së padurueshme të mungesës.

Sod 3 vite pa Rinorin tim. Nuk është e lehtë për një Baba ta pranoj humbjen e qenies më të dashur që pata, dhe kam, mbi këtë dhé. Me drojën se nuk do të mësohem kurrë me mungesën e tij, uroj të dëgjoj vetëm lajme të mira prej jush.