5 Marsi i Adem Jasharit është trashëgimi botërore e luftës kundër fashizmit

05/03/2021 - 16:4910/03/2021 Ilmi Musliu

Shaip Kamberi

Secila datë historike, botërisht, është rastësi. Nuk ka asnjë veçanti për 5 marsin para vitit 1998. Dhe nuk ka asnjë gjë që mund ta shlyjë rëndësinë e 5 marsit pas vitit 1998.

Kështu pra, një veprim i një familje të zakonshme në Prekaz, bëhet ngjarje që bartë në vete dimension universal.

Sepse lufta e Jasharajve ishte e tillë – luftë për liri e njerëzve të zakonshëm kundër tiranisë fashiste të superarmatosur dhe të uniformuar.

Kjo makineri vrasëse nuk kurseu asgjë. Të gjithë anëtarët e familjes u vranë, pa kursyer as fëmijët e as të moshuarit.

Pra makineria nuk bënte luftë, por gjenocid, sepse nuk donte fitoren, por zhbërjen.

Në anën tjetër Adem Jashari qëndroi në shtëpinë e tij, me familjarët e tij. Ishte i armatosur lehtë. Por kishte një armë shumë më të fortë: vendosmërinë për liri.

Kjo ngadhënjeu kundër makinerisë së trajnuar vrastare.

Prandaj 5 Marsi nuk mund të shlyhet, sepse nuk është më i Prekazit, as i Kosovës. Është i trashëgimisë botërore të luftës kundër fashizmit.

Është ngjarje e vegjëlisë kundër shtypjes, e rezistencës kundër shfarosjes, e insistimit të njeriut të zakonshëm për të qenë i lirë e i barabartë, që kundërshton shtypjen, i njeriut që vlerëson lirinë dhe barazinë më shumë se jetën.

Adem Jashari luftoi si shqiptar i Kosovës, por nuk luftoi vetëm për shqiptarët. Luftoi për të gjithë të shtypurit kundër çdo forme të fashizmit.

NDAJENI KËTË ME TË TJERËT:

Të ngjashme

Shpresa e thyer dhe e humbur e sektorit agrorural të Kosovës dhe e fermerit nga Qeveria mashtruese Kurti

Na duhet një brez i çmendur

Kush është shqiptaro-amerikanja që kundërshton hoxhën e Kosovës për “Sheshin e Krenarisë”