6 të vdekur e mbi 680 të lënduar nga dy tërmetet e djeshme në Turqi

Pas dy tërmeteve shkatërruese që goditën Turqinë mëngjesin e 6 shkurtit, ditën e djeshme vendi u godit nga dy tërmete të tjera të fuqishme.

Sipas medieve turke 6 persona kanë humbur jetën ndërsa 680 të tjerë janë plagosur si pasojë e tërmeteve me magnitudë 6.4 dhe 5.8.

Ministri i Brendshëm Süleyman Soylu tha: “Ka pasur një tërmet tjetër. Kemi marrë informacionin se 3 qytetarë humbën jetën, një në Antalia, një në Defne dhe një në Samandag. Operacionet e kërkim-shpëtimit po kryhen në 3 ndërtesat. Janë pranuar 42 raporte. 213 nga të lënduarit tanë janë dërguar në spitale. Me nxjerrjen e trupave të pajetë të 3 personave që ndodheshin nën rrënoja, humbjet e jetës u rritën në 6.”