Çitaku për Kurtin: Një ditë pasi paralajmëroi sulmin e Serbisë kundër Kosovë, shkoi në Norvegji – marrëzi

Nënkryetarja e Partisë Demokratike të Kosovës, Vlora Çitaku, ka shprehur shqetësimin e saj në lidhje me veprimet e fundit të Kryeministrit Albin Kurti dhe partisë së tij Lëvizjes Vetëvendosje.

Çitaku theksoi se nuk mund ta kualifikonte ndryshe veprimin e tyre përveç si marrëzi.

“Nuk kam se si ta kualifikoj ndryshe përpos se si marrëzi”, ka shkruar ajo në Facebook.

“Një ditë pasi paralajmëroi në konferencë për shtyp sulmin e planifikuar të Serbisë kundër Kosovës, Kryeministri Kurti vet shkoi në Oslo për vizitë private, e partia e tij hyri në garë zgjedhore në Maqedoninë e Veriut”, ka thënë Çitaku.

Në përfundim, Çitaku ka theksuar se “Kosova meriton më mirë”.