Sipas informatave që ka siguruar Sinjali, rreth orës 02:30 Policia ka pranuar njoftim telefonik se një automjet ishte kapluar nga zjarri në një pronë private.

Patrulla policore ka dalë menjëherë në vendngjarje, ndërsa në lokacion kanë intervenuar edhe njësitë e zjarrfikësve, të cilët kanë arritur ta lokalizojnë zjarrin.

Ankuesi, A. Q, ka deklaruar se automjeti i tij është djegur pothuajse tërësisht, ndërsa vlera e dëmit të shkaktuar vlerësohet rreth 14 mijë euro. Sipas tij, aktualisht nuk ka dyshime konkrete ndaj ndonjë personi të caktuar.

Lidhur me rastin është njoftuar Prokurori i Shtetit, i cili ka udhëzuar që rasti të trajtohet si “Zjarrvënie” dhe të procedohet për hetime të mëtejme.

Autoritetet kompetente janë duke punuar për zbardhjen e rrethanave të këtij rasti.