Avdush Canaj: Degët me vjersha

ti s’je dru, mollë
ti je pallat degësh
me njëqind ballkone
ku këndon vera

je pikturë luharesh
në maje gishtërinjsh
vjen era
kolovit ëndrrat e gjetheve

nën hijën tënde
kur ma shtrinë dorën gjumi
zogu yt më mbulon me flatër
të mos ftohem
as kolla të mos më zë

hëna të do si unë
shpesh harron kapelën te ti
ti ia ruan mirë
s`ma jep as mua

degët i ke me vjersha
të ëmbla
mollë e kopshtit