Zëvendësohen 11 deputetë të cilët morën poste ministrore

Parlamenti i Kosovës është plotësuar me 11 deputetë të rinj nga katër subjekte politike, sipas renditjes në zgjedhje, pasi paraardhësit e tyre morën poste ministrore.

Komisioni Qendror i Zgjedhjeve sot miratoi rekomandimin për presidentin e Republikës, Hashim Thaçi, lidhur me kandidatët e radhës që zëvendësojnë deputetët që janë bërë ministra.

Nga Lëvizja Vetëvendosje, Enver Haliti zëvendëson Albin Kurtin; Alban Hyseni zëvendëson Glauk Konjufcën; Arta Bajralija zëvendëson Albulena Haxhiun; Fitim Haziri zëvendëson Arben Vitinë dhe Eman Rrahmani zëvendëson Haki Abazin.

Nga LDK-ja, Hatim Baxhaku zëvendëson Anton Qunin; Fidan Rekaliu zëvendëson Lumir Abdixhikun; Xhavit Uka zëvendëson Avdullah Hotin; Besa Gaxherri zëvendëson Hykmete Bajramin dhe Shkumbin Gashi zëvendëson Besian Mustafën.

Ndërsa, nga Nova Demokratska Stranka, Zikreta Aliti zëvendëson Emilija Redžepin./Mediafokus/