Në Kosovë qytetari gjobitet me 450 euro për puthje me të dashurën
Pjesëtarë të Policisë së Kosovës i kanë shqiptuar një gjobë një mërgimtari në Prishtinë vetëm pse ai është puthur me të dashurën e tij, raporton KALLXO.com
Për aktin e tij – puthjen, qytetari, shtetas i Suedisë, është gjobitur me 450 euro.
Te përshkrimi i kundërvajtjes, të cilën e ka siguruar KALLXO.com, oficerët e Policisë kanë shkruar: “I njëjti bënë sjellje të pa hijshme duke u puthur në publik edhe pse i është tërhequr vërejtja disa herë“.
Për shqiptimin e gjobës prej 450 eurosh policët janë thirrur në dispozitat e nenit 6 të Ligjit për rendin dhe qetësinë publike.
