Ky është numri emergjent ku mund të lajmërohen shtetasit kosovarë që duan të largohen nga Afganistani

Ministria e Punëve të Jashtme dhe Diasporës ka hapur një linjë emergjente, ku mund të lajmërohen të gjithë shtetasit kosovarë, për të marrë udhëzimet e duhura, pas përshkallëzimit të situatës në Afganistan.

“Institucionet e Kosovës janë duke u angazhuar për të ndihmuar evakuimin e shtetasve kosovarë nga Afganistani

Qeveria e Republikës së Kosovës përmes Ministrisë së Punëve të Jashtme dhe Diasporës (MPJD) dhe Presidenca e Kosovës, pas përshkallëzimit të situatës në Afganistan, janë duke punuar me intensitet të lartë për identifikimin e shtetasve të Kosovës që ndodhen atje dhe ofrimin e ndihmës për largim.

Lidhur me këtë është hapur edhe një linjë emergjente me numër +383 45 492 316, ku mund të lajmërohen të gjithë shtetasit tanë, për të marrë sa më parë udhëzimet dhe ndihmën e duhur.

I sigurojmë shtetasit tanë, të cilët ndodhen ende në Afganistan, se së bashku me partnerët tanë ndërkombëtarë jemi duke shfrytëzuar të gjitha rrugët dhe mjetet për të mundësuar një evakuim të sigurtë të të gjithëve”, thuhet në njoftimin e MPJD-së.