Therret me thikë një person në Mitrovicë, vdes në QKUK

Një person nuk ka mundur të mbijetojë plagët e thikës dhe për pasojë ka ndërruar jetë në QKUK. Rasti është cilësuar ‘vrasje’ derisa personat e dyshuar ndodhen në arrati dhe po kërkohen nga policia.

Rr. Artim Jashari, Mitrovicë 30.10.2021-00:15.  Është raportuar se viktima mashkull  kosovar dyshohet se, pas një zënke- mosmarrëveshje, është  sulmuar fizikisht me një mjet të mprehtë (thikë) nga dy të dyshuar meshkuj  kosovarë të cilët gjenden në arrati. Viktima pas pranimit të ndihmës së parë në Spitalin Rajonal Mitrovicë është transportuar në QKUK i cili  duke mos u përballuar lëndimeve të marra ka ndërruar jetë, vdekjen e të cilit e ka konfirmuar ekipi mjekësor. Njësit relevante kanë dalë në vendin e ngjarjes ndërsa trupi i pajetë i viktimës me vendim të prokurorit  është dërguar në IML për obduksion. Rasti vazhdon të hetohet, thuhet në njoftimin e policisë (foto arkiv)