Merr flakë banesa, humbin jetën dy të moshuar

Policia e Gjirokastrës ka njoftuar se mbrëmjen e sotme, dy persona të moshuar kanë humbur jetën pas një zjarri që ka rënë në banesën e tyre.

Viktimat janë shtetasi I. P. dhe bashkëshortja e tij, shtetasja F. P., të cilët ndodheshin në banesë.

Grupi hetimor po punon për të përcaktuar shkaqet e rënies së zjarrit dhe zbardhjen e rrethanave të ngjarjes.