Në Gjilan ndahet nga jeta filozofi popullor Ramiz Bllaca
Është ndarë nga jeta Ramiz Bllaca, një qytetar i respektuar në Gjilan, i cili dijen dhe përvojën e tij jetësore e investoi në shërbim të popullatës dhe të së ardhmes.
Njoftimin e kanë dhënë familjarët.
“Familjarë, miq dhe dashamire ju njoftojme se sot me daten 12.01.2022 ka nderruar jete gjyshi, babai jone RAMIZ BLLACA.
Varrimi i te ndjerit behet sot me ikindi ora 14:00
Te pikelluar familja Bllaca”.
Ramiz Bllaca ishte një humanist dhe një filozof popullor, i cili përgjatë gjithë viteve të jetës së tij, kontribuoi në ndërtimin e një imazhi pozitiv për vendin dhe shoqërinë.
Rrjedhë prej një familje idealistësh, të cilët u organizuan e investuan në arritjen dhe përfaqësimin e vlerave të shoqërisë shqiptare.
Ai dha kontribut të çmueshëm në ngritjen e mirëqenies së popullatës gjilanase, përgjatë viteve 1970-1980.
Shumë familje gjilanase i janë mirënjohës Ramiz Bllacës, për kontributin e tij të jashtëzakonshëm në krijimin e vendeve të punës në Kombinatin e Tekstilit.
Si një intelektual i kohës, ai gërshetoi mençurinë, idealizmin, përvojën e pozitën, për t’i shërbyer sa më mirë vendit e shoqërisë.
Ai kishte ëndrrat e tij për shoqërinë dhe vendin edhe në këtë moshë që ishte. /Mediafokus.info/
