A do ta pranonte Arben Vitia pozitën e drejtorit të Shëndetësisë?

Asamblisti i Vetëvendosjes në Prishtinë, Rashit Gashi, ka thënë se nuk kanë marrë ndonjë ofertë konkrete nga kryetari i komunës, Përparim Rama, ndërkaq shtoi se Arben Vitia nuk do të jetë pjesë e Drejtorisë së Shëndetësisë, pasi sipas tij, ai është një stad tjetër.

Gashi shtoi po ashtu se do të ishte e pakuptimtë që Vitia të bëhej pjesë e rivalit të tij.

“Asnjë ofertë konkrete në adresë të Vetëvendosjes nga zoti Rama nuk ka ardhur, ka pasur disa tendenca të dërgojë mesazhe individuale si zotit Arben Vitia, por jo… Jo nuk mendoj se do të bëhet pjesë, sepse ne ishim rivalë në zgjedhje, Arben Vitia është një stad tjetër, ishte ministër i Shëndetësisë, ma herët ka dhënë kontributin e tij në komunë, por tash të bëhet pjesë e një rivali nuk ka kuptim”, ka thënë Gashi për “Sytë 7”.

Ndërkaq shtoi se në asnjë mënyrë nuk do të menaxhojnë ndonjë drejtori në këtë komunë.