Abdixhiku: Kam gjetur LDK-në në gjysmën e komunave në prag të shuarjes

Kryetari i Lidhjes Demokratike të Kosovës, Lumir Abdixhiku, ka deklaruar se në kohën kur mori pozitën e kreut të partisë, LDK-në e ka gjetur në gjendje jashtëzakonisht të vështirë.

Në një intervistë për Gazetën Express, Abdixhiku ka deklaruar se në gjysmën e komunave, LDK ishte në prag të shuarjes.

“Kam marrë udhëheqjen e LDK-së në një gjetje jashtëzakonisht të vështirë, në vetëm 12%. Kam gjetur LDK-në në gjysmën e komunave të Kosovës në prag të shuarjes; me numra që gravitonin në 5, 6 e 7%. E merrni dot me mend? Për një parti shtetformuese, të parën në Kosovë, të kesh gjysmën e vendin në prag të shuarjes është sa tragjike aq edhe fatkeqe për të nisur një punë”, ka deklaruar Abdixhiku.

Abdixhiku ka deklaruar se gjatë vizitave nëpër degë të partisë, ka gjetur tendencën për ta normalizuar humbjen.