Aksidentohet vetura me targa të Kosovës në Rrugën e Kombit, ka të lënduar

Një aksident i rëndë është shënuar ditën e sotme në segmentin Milot-Rrëshen në rrugën e Kombit.

Dy automjete janë përplasur me njëra-tjetrën dhe për pasojë janë lënduar rëndë 6 persona.

Në aksident raportohet se u përfshin një xhip “Mercedes” dhe një autoveturë tip Opel me targa të Kosovës.

Katër prej tyre janë gra, që po udhëtonin në njërin prej mjeteve.

Policia ka shkuar në vendngjarje dhe po heton shkaqet e përplasjes.