Alarmante: Mbi 25 mijë raste aktive me Covid në Kosovë

Rastet aktive me Covid-19 në Kosovë kanë arritur në 25 mijë e 458, sipas të dhënave nga Ministria e Shëndetësisë.

Rekordi është shënuar në 24 orët e fundit – 4 mijë e 397 raste të reja me koronavirus.

Siç ka bërë të ditur Ministria rastet e reja janë identifikuar pas testimit të 16 mijë 307 mostrave.

Gjatë 24-orëve të fundit nuk është raportuar asnjë rast i vdekjes.

Ministria e Shëndetësisë ka bërë të ditur se në 24 orët e fundit janë dhënë 5.459 doza të vaksinës kundër COVID-19.

Kurse prej fillimit të vaksinimit në të gjitha qytetet e Kosovës janë dhënë 1.759.797 doza të vaksinës.

Deri më sot 832.020 qytetarë janë vaksinuar me dozën e dytë. Ndërsa, me dozën përforcuese dhe dozën e tretë deri tani janë  vaksinuar 65.147 persona.