Arrestohen Hyseni dhe Krasniqi të PSD-së

Dy zyrtarët e PSD-së, Zgjim Hyseni dhe Frashër Krasniqi janë arrestuar nga policia gjatë një aksioni që ky subjekt kanë mbjatur në kryeqytet.

Dardan Molliqaj, ka thënë se arrestimet u bënë gjatë aksionit të PSD-së.

Shkrimi i plotë i Molliqajt:

“Gjatë aksionit të PSD-së kundër deklaratës së Lajçakut për Asociacionin kundërkushtetues u arrestuan dy aktivistët Zgjim Hyseni dhe Frashër Krasniqi.

Është i papranueshëm zelli i Policisë së Kosovës që të arrestojnë aktivistët politik që shprehin bindjet e tyre përmes aksioneve paqësore. Çdo arrestim i tillë është veçse politik prandaj është i patolerueshëm.

Kërkojmë lirimin e menjëhershëm të aktivistëve Zgjim Hyseni dhe Frashër Krasniqi”