Arrestohet për keqpërdorim të detyrës një zyrtar komunal në Viti
Një zyrtar i gjendjes civile në Komunën e Vitisë është arrestuar nën dyshimet për “keqpërdorim të pozitës zyrtare”.
Dyshohet se ai i ka mundësuar një qytetari identitet të rrejshëm si shtetas i Republikës së Kosovës.
I dyshuari me vendim të prokurorit është dërgyar në mbajtje.
Njoftimi i plotë:
KEQPËRDORIM I POZITËS ZYRTARE/KK/Viti 19.09.2022 – 12:00. Nga njësiti për hetimin e krimeve ekonomike është arrestuar i dyshuari mashkull kosovar zyrtar i gjendjes civile në komunë, i cili duke keqpërdor pozitën zyrtare i ka mundësuar një qytetari identitet të rrejshëm si shtetas i Republikës së Kosovës (pala ishte shtetas i Serbisë, Preshevë). Me vendim të prokurorit i dyshuari është dërguar në mbajtje, thuhet në njoftim.
