Bota 

Babai ua merr jetën tre fëmijëve

mediafokus

Në Turqi, një baba 45-vjeçar vrau tre nga katër fëmijët e tij.

Mediat turke raportojnë se autori, i cili kishte probleme të rënda psikologjike dhe ishte në proces divorci me gruan e tij, mori fëmijët e tij mëngjesin e së martës duke u premtuar se do t’i çonte te nëna e tyre.

Në vend të kësaj, ai i çoi ata në një ullishte pranë lagjes ku jetonin.

Sipas burimeve, 45-vjeçari nxori një armë dhe qëlloi mbi fëmijët e tij, duke i lënë ata të gjakosur në tokë.

Nga ky akt i tmerrshëm, tre fëmijë humbën jetën, ndërsa vajza e tij 11-vjeçare, megjithëse e plagosur, arriti të shpëtonte dhe u nis me vrap për të njoftuar të afërmit e saj për tragjedinë.

Babai tentoi të vetëvritej me të njëjtën armë që përdori për të kryer krimin, por mbeti i plagosur rëndë dhe u dërgua në spital ku ndodhet në gjendje kritike.

Kur policia mbërriti në vendngjarje, u përball me një skenë të tmerrshme ku tre fëmijë ishin shtrirë të vdekur, përfshirë një vajzë vetëm dy vjeç.

Familjarët e autorit thanë se ai vuante nga depresioni që prej kërkesës për divorc të bërë nga gruaja e tij dhe se kishte dhënë paralajmërime për një veprim drastik që do të ndodhte së shpejti.

Të ngjashme

Ku po e fsheh familjen presidenti rus?

mediafokus

Vota e shqiptaro-amerikanëve, pritet të jetë e rëndësishme për të përcaktuar fituesin në SHBA

mediafokus

Në Zvicër ndodh vdekja e parë nga COVID-19 në grupmoshën 10 -19 vjeç

mediafokus