Banesa përfshihet nga flakët, humb jetën i moshuari
Një i moshuar ka humbur jetën, pasi banesa e tij është përfshirë nga flakët. Ngjarja ka ndodhur në fshatin Bubullimë të Lushnjës, ndërsa viktima është 82-vjeçari Koli Koçi, raporton panorama.al
Fatmirësisht është shpëtuar gruaja e tij, Kristina Koçi.
Paraprakisht dyshohet se shkak i zjarri ka qenë një shkëndije elektrike.
Pasi janë sinjalizuar për rastin, shërbimet e zjarrfikëses kanë shkuar në vendin e ngjarjes dhe kanë bërë të mundur shuarjen e flakëve.
