Deputeti kosovar në Zvicër: Kurti ka përfunduar politikisht

Intervistën e mbrëmshme të kryeministrit në detyrë Albin Kurti në Radio Televizionin e Kosovës, e ka komentuar edhe Korab Rashiti, deputet në kantonin e Bernit në Zvicër.

Ai ka deklaruar se kjo intervistë ka treguar se kryetari i VV-së ka përfunduar politikisht.Në profilin e tij në “Facebook”, Rashiti ka shkruar se i pari i VV-së ka hyrë në fazën e rënies së shpejt.“Mbrëmë në RTK, secili ka mundur të vërejë se Kurti ka përfunduar politikisht – më saktë, ka përfunduar kontrollin mbi narrativin politik që dikur ua impononte publikut dhe kundërshtarëve. Edhe më keq, idetë e reja politike që ai përpiqet të sjellë nuk po pëlqehen. Tani duket se kemi hyrë në një fazë të rënies së shpejtë”, ka shkruar Rashiti.