Dy persona rrahen e bëhen për spital

Dy djem kanë raportuar në polici se janë sulmuar fizikisht nga disa persona në Obiliq. Njëri ka pësuar lëndime të rënda trupore.

Viktimat kanë pranuar trajtim mjekësor në QMF në Obiliq dhe më pas edhe në QKUK në Prishtinë.

Të dyshuarit janë të njohur për policinë, por të njëjtit ndodhen në arrati.

Njoftimi i plotë i policisë:

LËNDIMI I RËNDË TRUPOR /Rr. “Hasan Prishtina”, Obiliq, 13.11.2021,-17:35. Është raportuar një rast Lëndim i rëndë trupor ku viktimat M/Sh/K (viti i lindjes 1988) dhe M/Sh/K i lindur (viti i lindjes 1981) ishin sulmuar fizikisht nga disa persona duke i goditur me grushte me çrast viktima M/Sh/K ka marr lëndime të rënda (sipas raporteve mjekësore). Njësit Policore menjëherë janë dal në vendin e ngjarjes, viktimave u është ofruar tretmani mjekësor nga QMF-Obiliq e më pas edhe në QKUK-Prishtinë. Te dyshuarit janë të njohur për policin mirëpo kanë ikur momentin që kanë kryer veprën. Të dyshuarit janë kërkuar në shtëpinë e tyre nga njësit policore, mirëpo nuk janë hasur. Në konsultim me Prokurorin e Shtetit rasti inicohet si më lartë dhe mbetet të hetohet edhe më tutje.