Dyfishohet numri i vdekjeve me Covid
Kosova ka shënuar sot dyfish më shumë vdekje se një ditë më parë. Instituti Kombëtar i Shëndetësisë Publike informon se gjatë 24 orëve të fundit, kanë vdekur 8 persona me Covid.
Në 24 orët e fundit janë dhënë 15.718 doza të vaksinës kundër COVID-19. Prej fillimit të vaksinimit në të gjitha qytetet e Kosovës janë dhënë 1.257.671 doza të vaksinës. Deri më sot 493.794 qytetarë janë vaksinuar me dozën e dytë. Nga 4.704 testime, 88 qytetarë kanë rezultuar pozitiv me virusin COVID-19. Gjatë 24 orëve të fundit, janë shënuar 8 raste të vdekjes. Sot janë shëruar 651 qytetarë, derisa numri i përgjithshëm i të shëruarve është 152.062. Në total numri i rasteve aktive është 4.800.
