Në fshatin Pakashticë e Epërme, Policia arrestoi dy persona të dyshuar, burrin e viktimës dhe vëllain e saj.

Siç merr vesh Sinjali, fillimisht rasti u raportua nga gruaja, e cila e ka denoncuar bashkëshortin e saj për dhunë në familje.

Ajo raportoi se burri e ka rrahur dhe kërkoi ndihmë në Polici.

Pas këtij incidenti në familjen e tyre, vëllai i viktimës, rreth 26-vjeçar, ka ndërhyrë duke e sulmuar fizikisht dhëndrin e tij dhe i ka shkaktuar lëndime trupore.

Gruas viktimë e dhunës nga burri i është ofruar trajtim mjekësor, ndërsa më pas është intervistuar lidhur me rastin.

Burri dhe vëllai i saj përfunduan si të dyshuar dhe ndaj tyre, Prokurori i Shtetit urdhëroi masën e ndalimit policor.