E ‘shpëtoi’ qeverinë, përjashtohet nga partia

Deputeti i Lëvizjes “Besa”, Kastriot Rexhepi, i cili u largua nga Kuvendi i Maqedonisë së Veriut pak para votimit të mocionit të mosbesimit të qeverisë së Zaev, është përjashtuar nga çdo funksion nga kjo parti.

Përmes një postimi në rrjetet sociale, Bilall Kasami njoftoi përjashtimin e Rexhepit, për të cilin tha se dëmtoi prestigjin e partisë.

Kastriot Rexhepi ishte deputeti i 61 që do të bënte të mundur rrëzimin e Zaev, por seanca dështoi pas largimit të mistershëm të tij.

Kryetari i “Besës”, Bilall Kasami aludoi ditën e djeshme se Kastriot Rexhepi mund të ishte rrëmbyer, por më pasi ai bëri një reagim në rrjetet sociale duke mohuar çdo lajm të tillë.