Falet Bajrami, Tërnava kërkon kujdes maksimal gjatë vizitave shkaku i pandemisë

Në Xhaminë e Madhe “Sulltan Mehmet Fati”, në Prishtinë është bërë falja e namazit të Fitër Bajramit, ku mumër i madh i qytetarëve kanë kryer këtë ritual fetar.

Myftiu i Kosovës, Naim Tërnava me këtë rast tha se ka uruar të gjithë besimtarët për festën e Fitër Bajramit.

Ai ka thënë se feja islame angazhohet për një shoqëri të shëndoshë e humane dhe kjo festë kultivon më së miri ndjesinë e besnikërisë e bujarisë.

Ai ka uruar që sa më shpejt të përfundojë edhe pandemia që ka kapluar gjithë botë dhe ka bërë thirrje për kujdes maksimal gjatë vizitave për festën e Bajramit.

“Falënderojmë Allahut me ndihëm e të cilit arritëm ta kalojmë muajin e Ramazanit. Jemi bashkë në këtë ditë madhështore për të festuar Fiter Bajramit. Muaji i Ramazanit na mbajti të bashkuar në iftare e syfyre, me solidaritet e devotshmëri”.

“Feja islame angazhohet në formimin e një shoqëri të shëndoshë e humane. Nëse njeriu lufton drejt këtë do të shërbejë për të mirën e shoqërisë. Sot kemi festë që na bashkon me miq e farefis”.

“Kjo festë ngrohë familjet e fëmijet tanë, kultivon më së miri ndejsinë e besnikërisë e bujarisë. Kjo festë shërben për ta ruajtur ekilibrin tonë. Edhe këtë Bajram po e presim në pandemi që na ka shkatuar probleme të mëdha”.

“Urojmë që të shërohen sa më shpejt të infekuarit. Ju ftoj të bëni kujdes në vizita sepse rreziku nga pandemia nuk ka kaluar. Urime Festa e Fiter Bajramit, shëndet e mbarësi”.