Familja boshnjake e refuzoi martesën e vajzës me një serb

Boshnjakët nuk e kanë hequr ende mërinë ndaj serbëve, për atë që kishin përjetuar gjatë luftës.

Franca ka deportuar një familje boshnjake, pasi që e kishin rrahur të bijën e tyre dhe ia kishin rruar flokët vetëm pse kishte dashur të martohet me një serb, ka njoftuar Ministria e Punëve të Brendshme e Francës, shkruan Reuters.

Kjo ministri gjithashtu ka bërë të ditur se pesë anëtarët e familjes së kësaj vajze në lindje të qytetit Bezanson, është deportuar për në Sarajevë, transmeton Telegrafi.

“Ky dëbim nga territori ynë vjen si rezultat i sjelljes së pahijshme të familjes gjatë gushtit, në veçanti pas rrahjes dhe rruajtjes së flokëve të bijës së tyre që ka qenë e dashuruar në një serb të ri, një person që i përket një besimi tjetër”, thuhet në kumtesën e ministrisë franceze.