Fëmija i zhdukur para tre vitesh në Shkup, gjendet duke vozitur ‘Opel’ në Gostivar
Një djalosh i moshës 16-vjeçare nga Shkupi, i shpallur i zhdukur në vitin 2020, është kapur nga policia duke drejtuar veturën Opel në rrethinën e Gostivarit.
Ai është dorëzuar në Qendrën për Çështje Sociale, shkruan Skopsko Eho, përcjellë ts.
Sipas MPB, dhjetë minuta pas mesnatës së 30 marsit, në Gradec të Gostivarit, policët nga SPB Tetovë – Seksioni për Punë të Brendshme Gostivar, kanë ndaluar automjetin e llojit “Opel” me targa të Gostivarit, në pronësi të një personi nga Banjica e Poshtme e Gostivarit, i drejtuar nga një 16-vjeçar nga Shkupi, transmeton Lideri.mk.
Pasi e kanë identifikuar, është konstatuar se bëhet fjalë për fëmijën e raportuar se është larguar nga shtëpia më datë 25.11.2020, kur ka pasur vetëm 13 vite, njoftoi MPB.
