Fluks i madh në Merdarë, policia apelon që të shfrytëzohen edhe pikat tjera kufitare

Policia e Kosovës, për shkak fluksit të madh në PKK Merdare, ka kërkuar nga qytetarët që të shfrytëzojnë edhe pika tjera të kalimit të kufirit.

“Policia e Kosovës, zyrtarë policorë të kufirit, janë duke punuar me kapacitete të plota, në këtë kohë kur fluksi i hyrje/daljeve nga territori i Republikës së Kosovës është më i madhë, sidomos në Pikën e Kalimit Kufitar Merdare.

Departamenti i Kufirit i Policisë së Kosovës, njofton të gjithë qytetarët, në veçanti bashkatdhetarët që janë duke shfrytëzuar Pikën e Kalimit Kufitar Merdare për hyrje-daljen për në Republikën e Kosovës, se : për shkak të fluksit të madh të udhëtareve pritjet janë të gjata dhe apelojmë te të gjithë që të shfrytëzohen edhe pikat tjera të kalimit kufitar. Koha e pritjes nuk varet vetëm nga zyrtarët tanë andaj bëjmë apel tek qytetaret që të shfrytëzojnë edhe pikat tjera kufitare, ku ka fluks më të vogël dhe pritjet janë minimale”, thuhet në njoftimin e policisë.