Forcat e maskuara të Vuçiçit kidnapuan policët e Kosovës, përdhosën simbolet tona shtetërore
Isuf b. Bajrami
Kidnapimi i pjesëtarëve të Policisë së Kosovës nga forcat serbe nuk po ndodh për herë të parë!
Ky kidnapim është bërë brenda territorit të Republikës së Kosovës! Në fakt tre policët kosovarë kanë qenë brenda territorit të Kosovës, 840 metra vijë tokësore nga vija kufitare.
Përveç tre policëve, forcat e maskuara serbe e kanë shkelur vijën kufitare dhe integritetin territorial të Kosovës!
Kanë poshtëruar uniformat e policisë së Kosovës!
Kanë burgosur amblemën dhe flamurin shtetëror të Kosovës!
Për mbrojtjen e dinjitetit të Kosovës, organet shtetërore dhe ekzekutive duhet të jenë më vigjilente.
Policia e Kosovës ka qenë brenda territorit të Kosovës, prandaj edhe përdorimi i forcës në vetëmbrojtje fizike dhe të sovranitetit është dashur të jetë reciproke.
Policisë së Kosovës,jo vetë të ju njihet siguria personele-fizike dhe materiale me ligjet e vendit, por edhe e drejta për vetëmbrojtje fizike sipas standardeve ndërkombëtare.
