Fundjava me shi, nga e marta rriten temperaturat
Fundjava karakterizohet me mot të vranët. Të dielen e të hënën ka mundësi për shi, kurse ditëve të ardhshme do të jetë më nxehtë, parashikon “Prishtina Weather”.
Nga dita e martë po paraqitet një situatë e motit relativisht më stabil por edhe më të nxehtë dhe kryesisht me diell.
Datat:
22.05 – Vransira e intervale me diell. Në mëngjes mundësi për riga lokale shiu, e pasdite përreth viseve malore reshje lokale shiu me bubullima.
23.05 – Vransira e intervale me diell. Vende-vende priten zhvillime të rrebesheve me bubullima.
24.05 – Kryesisht me diell dhe nxehtë.
25.05 – Më nxehtë dhe kryesisht me diell.
Temperaturat minimale luhaten ndërmjet 10C e 14C, ndërsa maksimalet nga 30C të shtunën, zbresin në 25C ditën e hënë, e deri në mërkurën shënojnë rritje deri në 31C e 32C.
