Gashi: Diskutuam për listën e deputetëve, s’folëm për koalicione

Anëtari i kryesisë së Lidhjes Demokratike të Kosovës (LDK), Arben Gashi, në një konferencë për media, pas takimit të Kryesisë, ka thënë se diskutuan për çështje të organizimit të fushatës dhe gjëra teknike.

“Kjo ishte më shumë një mbledhje koordinuese, biseduam për ndërtimin e kritereve për kandidatët e ardhshëm për deputetë. Diskutuam edhe për koordinimin e fushatës zgjedhore dhe për gjëra të tjera teknike”.

Gashi ka thënë se nuk beson që LDK-ja do të ketë koalicione para zgjedhore me ndonjë subjekt tjetër politik.

“Nëse do të ketë ndonjë listë të koalicionit atë do ta dorëzojmë kemi afat po besoj deri më 12 janar si ka thënë KQZ-ja”, ka thënë Gashi para mediave.