Gjykata në Gjilan i dënon me 6 vjet burgim dy të akuzuar për trafikim me njerëz

Gjykata Themelore në Gjilan ka shpall aktgjykim dënues ndaj të akuzuarve B. H. dhe B. A., për veprën penale “trafikim me njerëz’.

Të pandehurit, gjatë vitit 2021 në bashkëveprim, në dy lokacione të ndryshme, në Motel në fshatin Domorovc, Komuna Ranilluk dhe në kafiterinë në fshatin Dobërçan, Komuna e Gjilanit, e kanë trafikuar për qëllime të shfrytëzimit seksual të dëmtuarën A. H. nga Komuna e Istogut, duke e ditur gjendjen e saj të rëndë ekonomike-sociale, në atë mënyrë që e njëjta të ofrojë shërbime seksuale me pagesë personave të ndryshëm.

Me këto veprime, të pandehurit kanë kryer veprën penale ‘trafikim me njerëz’, e sanksionuar me Kodin Penal të Republikës së Kosovës (KPRK).

Trupi gjykues nga Departamenti Krimeve të Rënda, ka shpall aktgjykim dënues ndaj dy të akuzuarve, duke i shqiptuar dënim burgu në kohëzgjatje prej tre vjet (3) dhe gjobë 300 (treqind) euro, për secilin veç e veç, thuhet në njoftim.