Haziri: Pa panik, situata është nën kontroll

Kryetari i Gjilanit, Lutfi Haziri, pas konfirmimit të 4 rasteve të reja me Covid-19, ka thënë se situata është nën kontroll të Komitetit për emergjenca dhe s’ka vend për panik.

Ja statusi i plotë:

#Dita44. Sapo u njoftuam nga IKSHP edhe për 4 raste të reja pozitive me #COVID19 në Gjilan. Rastet janë të njohura për ne, sikur edhe kontaktet e tyre. Mos keni frikë sepse situata është nën kontroll nga Komiteti për emergjenca kundër përhapjes së coronavirusit.

Falënderimi i veҫantë shkon për mantelbardhët për punën e palodhshme, përfshirë mikrobiologët, epidemiologët, biokimistët, specialistët e mjekësisë familjare e infermierët.

Ju lutem shumë që t’i respektoni udhëzimet e organeve shtetërore. Veҫ në këtë mënyrë e parandalojmë përhapjen e virusit. #rriNshpi