Haziri: Gjykata Kushtetuese e dëshmoi rolin e gardianit të demokracisë

Nënkryetari i Lidhjes Demokratike të Kosovës, Lutfi Haziri, ka komentuar zhvillimet e fundit pasi Gjykata Kushtetuese mori tri vendime të rëndësishme.

Për Hazirin, me vendimet e sotme, kjo Gjykatë e dëshmoi rolin e gardianit të demokracisë, transmeton Mediafokus.info.

#Dita50. Lajmi i mirë është që në Gjilan nuk e kemi asnjë rast pozitiv me Covid19. Vetëm kështu, duke i zbatuar strikt masat, e preventojmë përhapjen e virusit. Falëmnderit shumë qytetarëve që u janë përgjigjur thirrjeve tona, duke qenë lojal në vendimet shtetërore.

Ndërkaq, lajmi tjetër është se Gjykata Kushtetuese, me vendimet e sotme, e dëshmoi rolin e gardianit të demokracisë. Duhet t’i respektojmë me përpikmëri dhe të qëndrojmë në shtëpi. #rriNshpi”, ka shkruar Haziri, në profilin e tij në Facebook./Mediafokus.info/