Haziri: Lakorja e infeksionit me COVID19 në Gjilan ka rënie të madhe

Kryetari i Gjilanit, Lutfi Haziri, ka bërë të ditur se lakorja e infeksionit me COVID-19 në këtë komunë ka rënie të ndjeshme, raporton Mediafokus.info.

Kreu i Gjilanit ka kërkuar nga qytetarët që të vazhdojnë t’i respektojnë masat deri në vaksinim.

“Lajmi i mirë është që lakorja e infeksionit me #COVID19 në Gjilan ka rënie të madhe. Por, deri në vaksinim, duhet të vazhdojmë t’i zbatojmë masat kundër përhapjes së këtij virusi, i cili është në mesin tonë. Ruajeni vetën dhe familjen tuaj, përmes bartjes së maskave, mbajtjes së distancës e higjienës personale”.

“Pasqyra e përgjithshme në Gjilan që prej fillimit të pandemisë është si vijon: nga 20738 mostra, 6326 kanë rezultuar pozitivë, 6047 janë shëruar, 140 qytetarë e kanë humbur betejën me virusin, 139 raste janë aktive, të hospitalizuar me COVID janë 29 dhe 64 mostra në pritje për rezultat”, ka shkruar Haziri./Mediafokus.info/