Holanda kërkon mjekë dhe infermierë nga Kosova

Shteti holandez ka nevojë për infermierë dhe mjekë të rinj për të përmbushur nevojat e shërbimit shëndetësor të tij.

Në një njoftim, agjencia ‘Partisan Medical Mercenaries’ tregoi se ky shtet ofron bursa studimi dhe punësim në të njëjtën kohë, për infermierët dhe mjekët.

Vlen të theksohet se bursa dhe punësimi për infermierët ofrohet me 1800 euro neto dhe diplomë ndërkombëtare, ndërsa pas diplomimit paga e tyre varion nga 2900 deri 3500 euro. Kurse paga për mjekët varion nga 5200 deri në 6500 euro, shkruan albinfo.ch.

Nisur nga tani, infermierët dhe mjekët e rinj nga Kosova tash e tutje do të kenë një mundësi shumë të mirë për avancimin e njohurive të tyre në universitetet e Holandës, si dhe punësimin e tyre në institucionet holandeze.

Ky shtet është në kërkim të punëtorëve shëndetësorë për të mbuluar nevojat e shërbimeve në institucione të ndryshme, spitale, qendra rehabilitimi, shtëpi të moshuarve, infermieri rajonale etj.

Për këtë qëllim ka ardhur në Kosovë një nga agjencitë më kredibile dhe me përvojë në rekrutimin e punëtorëve shëndetësorë, ‘Partisan Medical Mercenaries’.