Hovenier edhe në fundvit me kërkesa të qarta: Kosova të themelojë Asociacionin

Ambasadori i Shteteve të Bashkuara të Amerikës në Prishtinë, Jeffrey Hovenier, në fjalimin e tij të fundvitit ka folur për procesin e dialogut mes Kosovës dhe Serbisë, raporton Gazeta Sinjali.

Hovenier ka thënë se SHBA-ja pret përparim të njëmend gjatë vitit 2024, teksa ka bërë thirrje që Kosova dhe Serbia t’i përmbushin obligimet që dalin nga Marrëveshja e Ohrit.

Po ashtu, diplomati amerikan, ka kërkuar që Kosova të themelojë Asociacionin e Komunave me shumicë serbe.

Ambasadori amerikan ka thënë se procesi i normalizimit Kosovë-Serbi përmbyllet me njohje reciproke dhe ka thënë se zbatimi i Marrëveshjes së Ohrit dhe Aneksit të Implementimit është hap i madh drejt këtij synimi.