Humb jetën nga koronavirusi mjeku Afrim Tasholli

Mjeku Afrim Tasholli ka humbur betejën me koronavirusin në moshën 54-vjeçare, njofton Oda e Mjekëve të Kosovës.

Dr. Tasholli ka qenë specialist i anesteziologjisë me mjekim intenziv, i cili i ka shërbyer shëndetësisë primare në spitalin e përgjithshëm në Ferizaj.

Postimi i plotë i OMK-së:

Humb betejën me koronavirusin në moshën 54 vjeçare mjeku nga Ferizaj.

Dr. Tasholli ka qenë specialist i anesteziologjisë me mjekim intenziv, i cili i ka shërbyer shëndetësisë primare në Spitalin e Përgjithshëm në Ferizaj.

Kontribut të veçantë dha edhe në edukimin e brezave të rinj me angazhim në shkollën e mesme të mjekësisë “Elena Gjika”.

Oda e Mjekëve të Kosovës i shpreh ngushëllimet më të sinqerta familjarëve, miqve dhe kolegëve të tij.

Lajmi është pritur me dhimbje nga kolegët e tij gjithandej./Mediafokus.info