Inteligjenca artificiale mund të shpëtojë mijëra jetë në vit!
Inteligjenca artificiale (AI) mund të përdoret për të parashikuar nëse dikush do të ketë një atak në zemër në 10 vitet e ardhshme, ka zbuluar një studim i Universitetit të Oksfordit.
Kjo teknologji mund të shpëtojë mijëra jetë, por edhe të përmirësojë trajtimin e pacientëve, besojnë shkencëtarët, shkruan “The Guardian”.
Studimi, i sponsorizuar nga Fondacioni Britanik i Zemrës (BHF) hetoi se si një makinë inteligjente mund të përmirësojë saktësinë e skanimeve të tomografisë së kompjuterizuar (CT) të zemrës, të cilat përdoren për të zbuluar mpiksjen e gjakut ose ngushtimin në arterie.
Studiuesit analizuan më shumë se 40,000 pacientë të cilët kishin skanime të rregullta CT të zemrës në tetë spitale britanike dhe më pas i ndoqën ata për një mesatare prej 2.7 vjetësh.
Inteligjenca artificiale u testua në 3393 pacientë të tjerë gjatë tetë viteve dhe ishte në gjendje të parashikonte me saktësi rrezikun e sulmit në zemër.
“Shpresojmë që ky mjet me inteligjencë artificiale të zbatohet së shpejti edhe në spitale të tjera, se do të ndihmojë në parandalimin e mijëra vdekjeve nga infarkti”, tha Antoniades.
Profesor Nilesh Samani, drejtor mjekësor i BHF, tha se ky hulumtim tregon vlerën e teknologjisë së bazuar në AI në identifikimin e atyre që janë më të rrezikuar nga ataku në zemër.
