Ish-deputetja e PDK-së aderon në Nisma

Ish-deputetja e PDK-së, Xhevahire Izmaku, i është bashkuar subjektit politik, Nisma.

Lajmin e ka dhënë kryetari i kësaj partie, Fatmir Limaj.

“Unë kam pasë fatin që të punoj shumë me këtë zonjë të nderuar sidomos në Paralment e Qeveri. Falë saj në një kohë kur patëm nisur rindëritmin e Kosovës me maninë për ta nxjerrë Kosovën nga balta, profesoresha e ka dhënë një kontribut të jashtëzakonshëm si detyrë që e ka pasur edhe në zonën e Vushtrrisë dhe Mitrovicës gjatë vitetve 2008-2010”, ka thënë Limaj.

Ai ka shtuar se nuk e kanë ndryshuar pasionin për “ndërtimin e vendit dhe se e ruajnë fuqishëm atë ide për ta shtyer më tutje”.

“Ne jemi me pasion, me ideale e ëndrra për ta ndërtuar e zhvilluar vendin tonë. Nuk e kemi ndryshuar pasionin tonë për ndërtimin e vendit. Ne ruajmë fuqishëm atë ide për ta shtyer më tutje sepse ne besojmë që Kosova duhet të ketë njerëzit e vetë profesionalisht të përgatitur me përvojë dhe që e duan vendin e tyre”, ka thënë ai.

Ndërsa e sapoaderuara në NISMA Socialdemokrate, Xhevahire Izmaku, ka thënë se po e rifillon aktivitetin e saj politk aty ku e ka lënë dhe e ka filluar para 25 vitesh.

“Unë po ndihem shumë e vlerësuar, unë vetëm po e rifilloj aktivitetin tim politk aty ku e kam lënë dhe e kam filluar para 25 vitesh. Ne ishim bashkë në nismat politike, në organizmiet politike që kishte të bëntë me një koncept politik që lidh një ADN të përbashkët me të cilën sot po e vazhdoj aktivitetin politk. Do ta përdor energjin time, energjinë e akumuluar dhe potencilan pforesional dhe politk që kam për ta fuqizuar NISMEN Socialdemokrate. Politikat socialdemokrate kanë qenë edhe angazhimi im si deputete”, ka thënë ajo.

Izmaku ka shtuar se energjia e saj përputhet komplet me energjinë e Limajt.

“Veçanëarisht te Limaj e shohe ADN-në e vërtetë të konceptit politk si trashëgimi të luftës çlirimtare, ky është qëllimi kryesor që unë edhe energjia ime përputhet komplet me energjinë e Limaj”, ka thënë Izmaku.