Joe Biden shpall planin e ri të luftës kundër Covid-19

Joe Biden do të paraqesë të enjten një plan “guximtar dhe ambicioz” për të forcuar përgjigjen amerikane ndaj pandemisë Covid-19 të dominuar nga varianti Delta, veçanërisht duke e bërë vaksinimin të detyrueshëm për punonjësit federalë.

Presidenti amerikan duhet të nënshkruajë një dekret që kërkon afërsisht 4 milionë zyrtarë të vaksinohen, pa mundësinë që të shpëtojnë nga shiringa duke u testuar rregullisht, konfirmoi zëdhënësi i Shtëpisë së Bardhë, Jen Psaki, në konferencën për shtyp.

Shtetet e Bashkuara, ku 53.3% e popullsisë është plotësisht e vaksinuar sipas autoriteteve shëndetësore, është vendi me më shumë vdekje nga koronavirusi i ri në botë, me më shumë se 653,000 vdekje.

Prindërit, por edhe disa politikanë republikanë kundërshtojnë ashpër çdo detyrim për tu vaksinuar, të autorizuara nga mosha 12 vjeç – ose për të mbajtur një maskë në shkollë, veçanërisht në shtetet jugore, njofton shtypi zviceran sot./MLH