Ka ndërruar jetë afaristi dhe veprimtari Mustafë Shala

Ka ndërruar jetë në Gjilan, në moshën 70-vjeçare, atdhetari dhe afaristi i njohur, Mustafë Shala.

Mustafë Shala ishte pasardhës i denjë i familjes atdhetare të Smajl Poneshit nga Gjilani.

Mustafë Shala njihej e respektohej në Gjilan si veprimtar i përgjegjshëm dhe një ndërmarrës i suksesshëm.

Ka dhënë kontribut të çmuar në mbrojtjen dhe avancimin e interesave të vendit, para luftës, përgjatë dhe pas luftës.

Ka qenë aktivist e bashkëfinancues i çdo nisme për fuqizimin e çështjeve dhe aspiratave të vendit, sidomos, në financimin e luftës çlirimtare të Ushtrisë Çlirimtare të Kosovës.

Mustafë Shala ishte pronar i hotelit Kristal dhe pronar i ujit Dea.

Falë cilësisë, uji Dea ka arritur të depërtojë në tryezat dhe tregjet e njohura botërore, si një prodhim me standarde të larta ndërkombëtare. /Mediafokus