Kaq të burgosur vdiqën gjatë këtij fillimviti

Që nga viti i kaluar e deri fund të muajit prill të këtij viti kanë vdekur 13 të burgosur,  kanë njoftuar  nga Shërbimi Korrektues i Kosovës.

Vetëm gjatë vitit të kaluar ndërruan jetë 10 të burgosur.

Nga ky numër, 3 prej tyre kanë bërë vetëvrasje, ndërsa 7 të tjerët kanë ndërruar jetë gjatë trajtimit në institucione shëndetësore jashtë institucioneve korrektuese.

Kurse, nga fillimi i vitit 2021, e deri më sot, kanë vdekur 3 të burgosur, transmeton indeksonline.

“Të njëjtit kanë ndërruar jetë gjatë trajtimit të tyre në institucione shëndetësore jashtë institucioneve korrektuese“, thuhet në përgjigjen e SHKK-së.