“Ke tu përfundu me fatalitet” flet dëshmitari i gjuajtjes me armë në Prizren

Një plagosje me armë zjarri ka ndodhur rreth orës 14:30 në lagjën “Jeni Mahallë” të Prizrenit.

Rastin e ka konfirmuar për Gazetën Insajderi edhe zëdhënsi i policisë në rajonin e Prizrenit, Shaban Osmanollaj.

Si pasojë është lënduar një person në këmbë.

Ngjarja ka ndodhur për shkak të një mosmarrëveshje në komunikacion.

Njëri nga personat e përfshirë dyshohet se ka nxjerrë armën dhe ka shtënë me armë zjarri në drejtim të një personi tjetër, i cili është neutralizuar nga Policia.

“Personi tjetër ia kapi dorën edhe alltinë, një orë ia ka majt dorën derisa ka ardhë Policia edhe e qarmatosen. Përndryshe ke tu përfundu me fatalitet”, tha ai për Sinjalin.